माँके आया आज पावणिया राज, मनडो राजी होग्यो
मनडो राजी होग्यो, मैं स्वागत रो सुख भोग्यो
जाणे सुरजियो माँके आंगणिये अम्बर सूं धरत्यां आयो
सगळा रा मनडा ने जाणे हीरा सूं चमकायो
माँके आया आज पावणिया राज, मनडो राजी होग्यो
घणी बगत सूं बाट जोवता आंख्या मा सब की थाकी
आज मिल्यो सुअवसर म्हाने मैं बण ग्या बड़भागी
माँके आया आज पावणिया राज, मनडो राजी होग्यो
दो आशीष अस्यो म्हाने मैं करा देश री सेवा
हिलमिल सगळा आमी सामी सदा बरोबर रेंवा
माँके आया आज पावणिया राज, मनडो राजी होग्यो
कोई टिप्पणी नहीं:
एक टिप्पणी भेजें